u/Nody-ibrahim

نرمين: مالك يا لمياء انتى متعصبه اوى و انا واخده بالى انك عماله تعملى ايموجى متعصب على كل كلام سمر 

لمياء: علشان الرجاله دول ولاد وسخه كلهم عايزين الحرق

سمر: اهدى يا لمياء كده فى ايه بس انتى اول مره تبقى منفعله كده

لمياء: علشان كل حكايه فيها راجل انانى مش بيهمه غير نفسه و قولنا ماشى انما اللى انتى قولتيه المره دى فتح اسوء جرح ممكن يتفتح جوايا.

سمر: انا قولت ايه طيب ضايقك اوى كده و حقك عليا لو قلت حاجه زعلتك بس انا اكيد مكنتش اقصد

لمياء: مفيش عليكى غلط يا سمر بس انا ضحيه لناس من عينه آدم

نرمين: طيب اهدى بس و قولى ايه اللى حصل

لمياء: انا كنت متجوزه جوازه تقليديه عاديه و بعد الجواز كانت مآساه زى اللى حكيتى انك عيشتيها مع جوزك الاولانى بس انا ميولى غيرك و اللى حصلى كمان كان اسوء من اى تصور.

انا ماسوشيه و ميولى واسعه حبتين يعنى ذل ماشى اهانه ماشى الم ميضرش يعنى القايمه كبيره. لقيت نفسى مش مبسوطه فى العلاقه الزوجيه و مكنتش بقى اعرف حاجه خالص اصلا عن الميول وقتها و دخلت على جروب نسائى ابيح حبتين بيتكلم عن العلاقات الجنسيه و ازاى تسعدى جوزك و الكلام ده.

لقيت ناس بتتكلم عن الديرتى توك. حسيت باثاره قويه لما قريت الكلام ده و قلت طيب ما اجرب اقول لجوزى و يمكن الدنيا تتظبط معانا شويه.

حاولت المح لجوزى اننا نعمل حاجه جديده و نجرب يعنى من باب التجديد فى العلاقه. و اول ما جيبتله بس سيره انى عايزاه يشتمنى لقيته طلع فيا و قعد يقول عليا مجنونه و مش طبيعيه و ازاى اطلب منه طلبات وقحه بالشكل ده و انى مطلبش منه حاجه زى دى تانى.

زى ما الكل تقريبا عمل انا كمان عملت و حاولت اكتم الصوت اللى جوايا بس ده زود الصوت مقللهوش و لقيت نفسى بدخل ادور فى الجروب الابيح ده على اى حاجه تخص الديرتى توك. لغايه ما لقيت كومنت بيتكلم عن المازوخيه و دى كانت اول مره اقرى عن حاجه زى كده.

اليوم ده كله تقريبا قضيته بحاول افهم يعنى ايه مازوخيه و بتحس بايه و ايه الحاجات دى و لقيت الموضوع كبير اوى بس لقيت فى الميول دى اللى بيعملى اثاره جنسيه محسيتش بيها قبل كده.

و فضلت فتره فى الجروبات الخاصه بالساديه و لا كنت بعلق ولا بشارك مجرد متفرجه و اشوف فيديوهات و امارس العاده السريه و خلاص علشان المركب تمشى لغايه ما فى يوم لقيت بوست بيشتم فى الستات الموجوده فى الجروب كلهم و بيقول عليهم شراميط و هيجانين سواء اللى متجوزه او حتى السينجل معتقش حد فى الشتيمه و المشكله ان الكومنتات انقسمت جزء يشتم فى كل الستات و جزء يدافع عن السينجل و يشتم المتجوزه. و الفاظ كانت فى منتهى الحقاره لدرجه انا مش عايزه حتى افتكرها بس اليوم ده انا اتقهرت من الكلام اللى شوفته و قررت مدخلش الجروبات دى تانى و قفلت الاكونت بتاعى و انا حاسه باهانه شديده . انا مغلطش ولا كلمت حد حتى علشان اتهان فى شرفى. و حتى لو كنت كلمت حد برضه محدش ليه انه يهينى ما اللى كان بيشتم ده اكيد داخل يكلم بنات امال داخل يعمل ايه. و حتى و ان كان الكلام متوجهش ليا بشكل شخصى الا ان الاهانه كانت صعبه اوى.

خرجت من العالم ده كله و قلت احاول تانى مع جوزى يمكن الدنيا تتظبط بس مكنتش اعرف ان اللى مستنينى هو اسوء من كوابيسى.

حضرت قاعده حلوه و جو رايق و قولتله ما تيجى نشوف فيلم كده و نطبق اللى فيه من باب التجديد.

و اشتغل الفيلم و عينكوا ما تشوف الا النور. لقيته اتنفض و قالى قومى البسى و غير هدومه و كل ده انا مش فاهمه حاجه و هو متعصب و على اخره . ودانى عند اهلى و فضحنى قدامهم. بنتكوا عايزه تبقى شرموطه بنتكوا عايزانى اجرجرها من شعرها زى الخدامين بنتكوا عايزانى اقولها يا لبوه و كلام انا حتى مش عارفه هو قدر يطلعه قدام اهلى ازاى.

كنت عايزه اصرخ و اقوله كفايه ايه اللى انت بتقوله ده و ازاى تفضح اللى بينا بالشكل المهين ده. بس نظرات اللى قاعدين خرستنى كأنه بيتهمنى انه لقانى مع حد غيره. و سابنى عند اهلى و نزل

اللى غاظنى و فقع مرارتى ان امى تقولى ايه اللى بتطلبيه من جوزك ده و احاول افهمها ان فى كتير بيجددوا فى العلاقه و افهمها ان الحاجات دى ممكن تبقى مثيره مش زى ما هو فهمهم بس الصدمه انها فاهمه بس اللى مزعلها انى اصلا ازاى يبقى ليا طلبات او اتكلم فى الاثاره و انى كده بنت مش متربيه

لمياء: يا امى ما هو جايبلى بدله رقص بيخلينى ارقصله بيها و بيقوم ينقطنى.

الام: و ماله ما انتى لازم تريحى جوزك

لمياء : و انا مين يريحنى

الام: عيب البنات المتربيه تتكلم فى الحاجات دى

لمياء: ماهو بيطلب حاجات علشان يتبسط

الام: هو يطلب ولا يتكلم مفيهاش حاجه اسمه فى الاول ولا فى الاخر راجل و ميعيبهوش حاجه انما انتى ازاى تتكلمى فى الحاجات دى .

لمياء: هى مش الحاجات دى برضه اللى الناس بتتجوز علشانها ولا انا غلطانه

الام: بقولك ايه انا هكلمه و اقوله انها كانت وزه شيطان و انك مش هتعملى كده تانى و انتى تعتذريله و تتأسفيله و تروحى بيتك و تضللى على جوزك

لمياء: بس انا ست و ليا احتياجات امال مين اللى يلبيها لو مكانش جوزى

الام: انا قلت كلمه و مش هكررها خلاص. كفايه فضيحتنا لغايه كده .انا مش عارفه ابوكى هيرفع راسه فى وش الراجل ازاى اصلا.

فعلا امى كلمته و جه و قعدنا و لقيت الكل عمال يطلعنى غلطانه و انا حتى مش عارفه انا غلطانه ف ايه. و لما بدأ جوزى يتكلم و سمعت اللى قاله انفجرت فيهم

الزوج: انا مش عارف انتى ازاى مش عاجبك ان جوزك يبقى راجل بيحترمك و بيقدرك بس انتى اللى زيك فعلا زى اللبوه عايزه تتناك

لمياء بغضب: اه عايزه اتناك و انت عايز تنيكنى و امى بتتناك من ابويا و الناس من ايام ادم و حواء بينيكوا بعض و لغايه ما يخلص الكون هيفضلوا ينيكوا بعض مش هو ده اللفظ اللى كلكوا مكسوفين منه و بتقولولى ازاى تفكرى فى حاجه زى دى . ما الجواز للمنيكه معلش امال احنا متجوزين علشان نقدم على شقه اسكان الشباب. و لو مبتعرفش تنيك عدل تبقى زى قلتك و جوازتك دى زى عدمها و لو مش عاجبك و رجلك فوق رقبتك هتعملى اللى انا عايزاه علشان اتنيل اتبسط زى ما انا بعملك و ببسطك يبقى تطلقنى علشان جوازتك دى كلها متلزمنيش. و الشقه بتاعتى و باسمى و ملكى و من فلوسى يعنى مش هتخطى عتبتها غير و انت موافق على كل كلمه انا قولتها يا كده يا هبعتلك اللى ليك عندى على بيت اهلك

كل اللى كانوا قاعدين بقوا يبصولى و مستغربين ايه اللى انا قولته ده و انا اخدت شنطتى و نزلت رحت الشقه و جسمى كله كان بيتنفض من الانفعال.

رحت فى النوم لقيت رسايل من اهلى بيتبروا منى و انى مدخلهومش بيت تانى و ان بنتهم ماتت خلاص و رساله من جوزى بيقولى ان اللى زيى فعلا لازم تعيش زى الخدامين و انه هيعرف ازاى يربينى على اللى انا قولته.

كلمت المحامى بتاعى و قولتله الصبح تمشى فى اجراءات قضيه للطلاق و لميت متعلقات جوزى كلها و نزلتها عند البواب و خليت حد غيرلى كالون الشقه و قفلتها و قلت اقعد فى فندق لغايه ما اشوف مكان اقعد فيه ميكونش يقدر يوصلى.

بس طبعا مخلصتش من رسايل الشتايم و الاهانات و تلقيح كلام و اتحولت حياتى كلها لجحيم و كل ده علشان انا طلبت حقى فى المتعه الجنسيه.

اتحكملى بالطلاق و جالى عقد شغل بره مصر و سيبت كل حاجه بقالى سنين بس لسه الجرح اللى جوايا مراحش من كل اللى انا اتعرضتله و بقول يا ريتنى ما كنت عرفت ميولى ابدا.

...............................

لمياء: عرفتى ليه يا سمر بقولك كلامك وجعنى اوى. يمكن لو مكانش اللى دخل شتم و قال على الستات اللى بتدخل جروبات الساديه انهم شرايمط و هيجانين كان زمانى لسه باخد متعتى من مجرد قصه ولا فيديو بدل ما احس انى حراميه متعه او انى بعمل ذنب. هو صحيح انا كان ممكن ارمى كلامه كله فى الزباله و ارد عليه كمان بس مش الكل بيقدر يقاوم طول الوقت و انا كنت لوحدى و بالرغم ان الانهيار رفاهيه مقدرش عليها بس انهرت من انى كنت بحارب كل الجهات بس علشان اخد ابسط حق من حقوقى.

................

يتبع

بقلم نودى ابراهيم

الجزء الاول - خطوه واحده للخلف و خطوتان للامام

الجزء الثانى - ريد فلاج

الجزء الثالث - دادى من اول مره

الجزء الرابع - سيشن حقيقى

الجزء الخامس - بيبى جيرل

الجزء السادس - ماسوشيه مسيطره

الجزء السابع - رول بلاى فور بلاى

الجزء الثامن - بره الميول

الجزء التاسع - علاقه مفتوحه

الجزء العاشر - سويتش

الجزء الحادى عشر - فرافيت الحنيه

الجزء الثانى عشر - غباء إليكترونى

سمر: عايزه احكيلكوا حاجه كده مرتبطه بموضوع كشف الهويه. انا مش عارفه هو احنا كلنا كده داخلين الدنيا بصدر مفتوح و جايبين الجراءه دى منين.

نرمين: بس انتى مدخلتيش علاقات فى الميول يا سمر ولا تقصدى جروبات الفانيلا اللى بتطلب بيانات حقيقيه.

سمر: الموضوع ملهوش علاقه بيا انا من الاساس خالص بس انتى صح فكرتينى بموضوع الجروبات الابيحه و فضايحها و اللى بيجى من وراها

جود : هم حتى بتوع الفانيلا ملطوطين ولا ايه

نرمين: حبيبتى انتى فى مجتمع شرقى و بيعتبروا ان اى ست تتكلم فى الجنس هى ست مش شريفه انما الرجاله براحتهم يعملوا اللى عايزينه

سمر: اللى هحكيه بقى يخص الرجاله اللى مقطعين البطاقه على راى نيللى.

جود: احكيلنا على الجروبات الابيحه الاول يا ابله

سمر: دى جروبات للكلام الجنسى بس واخدين راحتهم شويه و فى جروبات ستات بس و جروبات رجاله بس علشان الكل ياخد راحته و بصراحه مش عارفه لو فى جروبات مختلطه او لا بس الكلام كله مستباح فى الجروبات دى عن كل حاجه ليها علاقه بالعلاقات الجنسيه و الاثاره و اوقات تنزل مشاكل او فضفضه بس الشرط بيكون ان الدخول باكونت حقيقى و صوره البطاقه و مكالمه فيديو كول ساعات علشان يطابقوا ان صاحب البطاقه هو صاحب الاكونت و شويه طلبات كده كتير و كل ده علشان يضمنوا ان اللى داخل مطابق للمواصفات و كمان يضمنوا ان مفيش تسريبات للكلام اللى بيحصل فى الجروبات دى.

جود: طب ما دى حاجه حلوه اهيه و الناس براحتها و متأمنين يبقى فين المشكله؟

سمر : المشكله ان بيحصل تسريبات و بنات تدى الاكونت لواحد صاحبها يدخل يقرا و يشوف ايه بيتقال جوه و برضه بتتاخد اسكرينات للكلام و تتوزع فى الجروبات العامه بس بتبقى فضيحه للبنات و الستات اللى كاتبين و معلقين لان بيبقى الكلام من اكونتاتهم الاصليه و صورهم و طبعا بيتعرضوا لمضايقات بالهبل دا غير ان ممكن حد يوصل الموضوع لتهديد و ابتزاز او فضايح

كريمه: ايه ده!!! يعنى حتى بتوع الفانيلا المفروض يستخبوا. دا الواحد كان فاكر ان الناس اللى عندها ميول بس هى اللى المفروض تكتم و متفتحش بوقها

نرمين: يا كريمه الكلام فى المتعه الجنسيه من الاساس ميخصش غير صاحبه و انا مش شايفه ان فى داعى من الاساس لان الناس تتكلم فيه من اكونتاتها الاصليه بس اعتقد ان من كتر ما فى ضغط ان الست عيب تتكلم فى الجنس و المتعه الجنسىيه حتى مع شريكها فبتبقى عايزه تنفجر فى اى مكان و تتكلم حتى لو على حساب امانها و خصوصيتها

سمر: عندك حق يا نرمين بس مش الستات بس اللى بيحسوا بالضغط ده بدليل ان فى جروبات للرجاله ده كفايه جروب التليجرام المشهور و جروب الفيس الاشهر منه

نرمين: على رايك و مختارين اسامى منيله ولا بيهمهم

غاده: اساميهم ايه ايه ايه ؟ هاه قولى يا ابله علشان خاطرى

نرمين : بس يا غاده و خلى سمر تكمل اللى كانت عايزه تقوله لان احنا خرجنا بره الموضوع كذا مره

غاده: علشان خاطرى يا ابله نقعد نشتم فى الرجاله شويه كمان الاول

سمر: هههههههه ده انتى على اخرك يا غاده

غاده: اوى اوى اوووووى . هو اللى حصلى برضه مكانش شويه. انا قلبى اتكسر اوى و يمكن على عكس حكايات البنات بس هم كانوا شركائهم باينين خوازيق من الاول انما انا اذانى جامد اوى .

نرمين: اللى حصل معاكى بيتكرر تقريبا كل يوم و اسهل حاجه انهم يجيبوا اللوم على الست

سمر: انا كده لازم احكى بقى.

...............................................................................................................................

ساعدنى ادم فى انى قدر اتطلق و خلانى اخد الخطوه دى و انا قويه مش ضعيفه و قدرت اقاوم كل اللى كانوا حواليا و بينكروا عليا حق الطلاق و الحريه و علاقتى بادم اتطورت اكتر و بقت صداقه اكتر منها علاقه مريضه و الدكتور بتاعها و كان طول الوقت بيعرف يتعامل معايا بالطريقه اللى انا بحبها و كان نفسى ان طليقى يتعامل بيها معايا , يمكن وقتها مكناش وصلنا للطلاق ,لغايه ما فى يوم كنت فى العياده و لقيت ادم بيقولى

ادم: مدام سمر انا للاسف مش هقدر اشوفك بعد كده و هرشحلك اكتر من دكتور تقدرى تكملى معاه

سمر: طيب ليه كده . هو حصل ايه

ادم: محصلش حاجه بس للاسف انا شايف ان العلاقه بدات تخرج عن الاطار المهنى و اخلاق المهنه متسمحليش انى اقدر اكمل معاكى

سمر: لو على كده بلاش العلاج , انا اصلا مبقيتش محتاجه علاج نفسى و خلينا نفضل اصحاب و خلاص

ادم: حتى دى متنفعش يا مدام سمر . دى ورقه فيها اسماء الدكاتره و عناوينهم و لما تستقرى على دكتور خليه يتواصل مع العياده هنا و يقدر ياخد الملف بتاعك وقتها لو تحبى.

سمر بعصبيه : ادم. فى ايه لكل ده لان انا مش فاهمه انت بتعمل كده ليه؟! العلاقه اللى بينا محصلش فيها اى حاجه تخليك عايز تنهيها و فجاءه و من غير حتى ما ترجعلى فى القرار ده و على العكس العلاقه كانت مريحه جدا

ادم: مدام سمر لو سمحتى الكلام ده ملهوش لازمه و بعد اذنك تتفضلى لان فى مواعيد تانيه عندى

قمت علشان امشى بس كنت متغاظه جدا من الطريقه اللى ادم اتعامل معايا بيها و انه كان بيطردنى من العياده و انا على باب الاوضه لفيت ناحيته

سمر: على فكره انا عارفه السبب اللى مخلى العلاقه اللى بينا كويسه للدرجه دى و هو نفس السبب اللى انت عايز تنهى العلاقه بسببه. ادم انا عارفه ان عندك ميول مسيطر

قلت الجمله و النظره اللى كانت على وش ادم وقتها كانى رميت قنبله و مكانش عارف يرد و انا قفلت الباب و خرجت روحت و كملت حياتى بس كنت مفتقده ادم و علاقتى بيه. و فى يوم كنت بقلب فى الفون من الزهق و لقيت بوست تعزيه و فيه منشن للاكونت بتاع ادم و من الكومنتات عرفت ان اللى اتوفت كانت مراة ادم.

فكرت شويه هل اتصل بيه اعزيه ولا هبقى بقلل من نفسى بسبب اللى حصل اخر مره و ماخدتش وقت فى التفكير و كنت مغيره هدومى و رايحه على العنوان الخاص بالمكان اللى هيكون فيه الدفن

سمر: تعيش و تفتكر

ادم: شكرا

سمر: اسفه لو كان وجودى غير مرغوب فيه , انا عارفه انك مكنتش عايز تشوفنى تانى بس انا قلت ان ده واجب

ادم: لا ابدا يا سمر , دايما بحب اشوفك.

سمر: عارفه ان الظرف دلوقتى مش مناسب بس هل تتضايق لو اتصلت بيك فى وقت تانى

ادم: انا محتاج اتكلم معاكى, هحاول اشوف وقت مناسب و اكلمك و نتقابل

سمر: هستنى اتصالك

....................................................................................................................................

سمر: اسفه على وفاه مراتك

ادم اتنهد بحزن : ارتاحت, الوفاه كانت متوقعه هى كانت مريضه فى اخر مراحل المرض و مكانش فى امل من العلاج

سمر: هو ده السبب اللى انت انهيت كل اللى بينا علشانه؟! علشان مراتك كانت بتموت؟

ادم بهدوء: عرفتى منين موضوع ميولى يا سمر؟

سمر بذهول : هو ده كل اللى يفرق معاك؟

ادم: عرفتى ميولى منين يا سمر؟

سمر حست بخيبه امل ان ده اللى دفع ادم انه يقابلها فقالت بزهق : امممممم طب ما كنت سالتنى فى التليفون اسهل طالما ده كل اللى انت عايز تعرفه.

ادم: معتقدش ان معنديش اى كلام تانى اهم من السؤال اللى انتى مش عايزه تردى عليه ده

سمر: بس انا عندى يا ادم و اعتقد انى استاهل انك تفسرلى

ادم: اكيد بس لما اسمع اجابه سؤالى الاول

سمر: عرفت عن طريق صديقه كنت اتعرفت عليها من جروب من جروبات الميول اللى على السوشيال ميديا و لما كنت بتكلم معاها انى مخنوقه و عايزه اشوف دكتور نفسى فقالتلى ان كان فى دكتور شافتله بوست فى الجروب قبل كده و كان بيدخل بالاكونت الاصلى بتاعه و انها كان معاها لينك البروفايل . بس طبعا موصلناش لحاجه علشان البروفايل كان مش موجود بس مفيش حاجه تصعب على الستات و البروفايل صحيح كان اتمسح بس هى كانت فاكره ناس من اللى كانوا معلقين و معلومه من هنا على اسكرين شوت من هناك وصلنا لمعلومات كفايه عنك و وصلنا للاكونت بتاعك اللى كنت بتستخدمه و عرفنا عنوان العياده بس طبعا كان فى نسبه شك و للسبب ده انا اتكلمت عن ميولى علشان اشوف رد فعلك

ادم بدا يتمتم بصوت مسموع كأنه بيكلم نفسه : انا عملت كل حاجه علشان امسح كل ده و ميبقاش ليه اى اثر و كنت فاكر انى نجحت فى ده بس للاسف شكلى هتفضل الغلطه دى ورايا العمر كله

سمر: هو فى ايه و غلطه ايه متفهمنى

ادم بص لسمر: وقت ما دخلت الجروبات بتاعه الميول كنت زى كتير من اللى فى العالم ده فاكر انى علشان راجل فمفيش حاجه تعيبنى ولا تقدر تمسنى و شايف انى لما ابقى داخل باكونتى الحقيقى و معلوماتى الحقيقيه ان ده بيدينى ميزه اضافيه و ان اللى بيستخبى ورا معلومات مش حقيقيه ميبقاش ماستر حقيقى بس طبعا كان التفكير ده قمه الغباء و حمايه الشخصيه الحقيقيه مهم جدا بس ده عرفته متأخر بعد ما اتعملت فضيحه لواحد و اتهدد بفيديوهات جنسيه قصاد مبالغ ماديه و لما رفض الفيديوهات دى اتسربت لاهل بيته و لكل زمايله فى شغله و طبعا حياته كلها انهارت و وقتها انا حاولت امسح اى حاجه ليها علاقه بشخصيتى الحقيقيه و الاكونتات اللى كنت بستخدمها و مسحت اى حرف كتبته بس مكنتش متخيل ان بعد سنين ممكن حد يقدر يوصلى

سمر : الواحد ده كان عنده ميول برضه

ادم: لا خالص ده كانت فيديوهات فانيلا من شات بينه و بين واحده كانت بتحاول توقعه و بتسجله الفيديو و باين فيه صوته و شكله و كل حاجه . اى كلام بيخص الاثاره الجنسيه ميستاهلش ابدا ان حد يخاطر بحياته كلها علشانه و لازم يحمى هويته

سمر : بس ده ميفسرش انت ليه مكنتش عايز تكمل علاجى ولا تشوفنى تانى على فكره . انت مكنتش تعرف انى عارفه ميولك

ادم: ده كان لانى انا اللى عارف ميولك و بقيت حاسس ان العلاقه بينا هتبعد عن المهنيه و ده غير مقبول . انا كنت بسيطر على حياتك و حاسس انك بتتعلقى بيا و مش هنكر انى كنت بتشد ناحيه العلاقه بس انا الدكتور بتاعك و مش اخلاقى ابدا ان علاقه زى دى تحصل

سمر:و الحل قدامك كان انك تسيبنى بالشكل ده و انت عارف انه ممكن يجرحنى . ولا علشان انت كنت متجوز بقى و فى علاقه ميول مع مراتك

ادم: مراتى مكانش عندها ميول

سمر : اااااه. اتجوزتها قبل ما تفهم ميولك يعنى

ادم: لا . انا اتجوزتها بعد ما كنت عارف ميولى كويس اوى

سمر: معلش دماغى عملت ايرور . منين عارف ميولك و منين اتجوزت واحده مش هتعملك اشباع جنسى

ادم: ده كمان كان تصرف غبى منى و بعترف انى كنت غلطان جدا وقتها و فاهم الدنيا غلط و عايزك تعرفى كويس ان ده مش تفكيرى حاليا خالص بس لما كنت اصغر كنت اغبى بكتير من انى افكر بشكل صح

سمر:حاسه بمصيبه جايه

ادم: فعلا هى مصيبه . كنت صغير و متأثر بجروبات الميول اللى كان كلها عك عن الميول بس الملخص انى كنت معتقد ان اللى عندها ميول هى ست مش شريفه و مش هتبقى مخلصه لجوزها حتى لو كان عنده ميول و انها هتجرى ورا اى حد يعملها اشباع للميول و تخون جوزها ففضلت اتجوز واحده معندهاش ميول علشان اتجنب الخيانه

سمر: لولا اننا جايين نتصالح كان زمانى قايلالك لفظ ابيح

ادم: علشان كنت اخبطك فى دماغك بكبايه الميه و اسيح دمك

سمر: و ليك عين تتكلم و انت لسه قايل كلام يفور الدم كده

ادم: اولا انا قولتلك ان ده كان تفكيرى زمان و برضه قولتلك انى كنت غلطان

سمر : و عرفت انك غلطان ازاى بقى.

ادم: لما اتجوزت لقيت عندى نفس الاحتياج الجنسى اللى محتاج اشبعه بالميول و مهما احاول باى طريقه تانيه بفشل يعنى العيب مش فى الست او الراجل ولا فى الميول نفسها بس دى غريزه و بنحتاج بنشبعها فحتى اللى معندهومش ميول ممكن يخونوا لو مفيش اشباع جنسى.

سمر بخبث: طب اممممممممممممم يعنى دلوقتى لسه شايف برضه اننا مش المفروض نتكلم و مش عايزه اتعالج يا ادم لو ده اللى واقف فى زور اخلاقيات المهنه

ادم بضحك: سمر صدقينى العلاقه اللى بينا كانت بتسعدنى بس لازم اى خطوه نفكر فيها كويس الاول

يتبع

بقلم نودى ابراهيم

لينك الجزء السابق

الجزء الحادى عشر - فرافيت الحنيه